Offisiell opning av handballanlegget.

Laurdag 3. juni 2023 blei endelig handballanlegget på Klenkarberget offisielt opna gjennom ei turnering i beachhandball.  Arrangøren, Eid IL handball, har laga eit arrangement som samla mykje ungdom til leik og moro med 12 timar samanhengande handballspeling.
Det har gått ei stund sidan anlegget blei ferdig, allereie i 2014 blei anlegget prosjektert og søknad om spelemidlar sendt. Utbygging av anlegget blei vedteke av årsmøtet i Haugen idrettslag 9. mars 2015 og i 2016 stod det klart. 

Det var ein stor dag for idrettslaget og som bilda syner var det eit flott arrangement der leik og moro for born og ungdom stod i fokus.

Turneringsleiar med dommarar.

Turnering i sandhandball 3.06.2023

Laurdag 3. juni blir det turnering i sandhandball på Klenkarberget. Dette er det fyrste arrangementet på anlegget som består av to sandbaner godkjent til handball. Takka være handballgruppa i Eid IL og handballregionen kan det endelig bli offisiell opning av anlegget. Det er stor påmelding med kampar frå kl 09 til kl 21 utan opphald slik at opninga vil skje før turneringa startar, kl 8:30

Foto: Eid IL handball